I&B ministry-in ‘News Time Assam’ hremna pe

Ministry of Information and Broadcasting (I&B ministry) chuan Assam-a TV News channel ‘News Time Assam’ chu Cable TV Networks (Regulation) Act a bawhchhiah nia sawiin, a chungah hremna a lek dawn.

Hemi chungchangah hian November 2 khan I&B ministry chuan thuchhuah siamin, ‘News Time Assam’ chu November 9 khian News pe chhuak lo turin a hriattir. Assam News channel hian mipui hmuh theihah mithhi ruang a tarlang nia sawi a ni. Cable TV Networks (Regulation) Act hnuaiah hian mithhi ruang, thisen leh mipui hmuha him lo a nihna ang anga tarlan phal a ni lo a ni. Kum 2013 October thla khan naupang kumtling lo hnathawka chhawr a nih dan, mipui hmuh theiha tarlan a nih chungchangah ‘News Time Assam’ hi ti tawh lo tura hriattir an lo ni tawh bawk. I&B ministry chuan tunhnai khan NDT chu Pathankot-a thil thleng a report dan avangin Cable TV Networks (Regulation) Act tlawhchhanin, hremna a lo pe tawh bawk a ni.