Meghalaya-ah Council Member panga-in BJP zawm

Meghalaya-a Auto-nomous Council pahniha member panga-te chuan Bharatiya Janata Party (BJP) an zawm.

Garo Hills Autono-mous District Council (GHADC)-a MDC mem-ber pali leh Khasi Hills Autonomous District Council (KHADC)-a member pakhat ten BJP hi an zawm tih tarlan a ni. Laitumkhrah MDC, Neil Antonio War chuan tun hnai khan Congress party a chhuahsan thu a lo puang tawh a, a ni bakah hian Ismail Marak, Righteous Sangma (Natio-nalist Congress Party), Soifur Rehman (Independent ), Kurush Marak leh Field Marshal Mawphniang(GHADC)-te chuan BJP hi an zawm ta a ni.

Tun hnai khan KHADC chief PN Syiem chu MLA leh MDC a nihna hlih-sak a ni a, hei hian Congress party chhungah buaina chawk chhuakin, party boruak pawh a
ṭha vak lo nia tarlan a ni. Hetih lai hian BJP national thupuangtu Nalin Kohli chuan Meghalaya state-ah BJP chuan huang an zauh zel thu sawiin, MLA leh MDC member-te chuan Congress an chhuahsan mek niin a sawi.