Naga peace talk kalpui mekin rah tha a chhuah: Rajnath Singh

Union Home Minister Rajnath Singh chuan kar kalta Zirtawpni khan Naga Students Union, Delhi (NSUD) programme buatsaih a hmanpui a, Naga peace talk kalpui mek chuan rah ṭha a chhuah chho zel niin a sawi.

Naga helpawl, National Socialist Council of Nagaland - Isak-Muivah (NSCN-IM) general secretary T Muivah leh sorkar laipui aiawhte chuan August 3, 2015 khan ‘Framework Agreement’ an ziak a, Prime Minister Narendra Modi leh Home Minister Rajnath Singh pawh an tel. Union Home Minister chuan, inremna tluantling ziak turin kawng dik zawh mek a ni tih sawiin, harsatna dang a awm lo a nih chuan chinfel thuai a ni ang, a ti. Hmarchhak miten Delhi khawpuiah harsatna an tawh lohna turin hma lak mek a nih thu pawh sawiin, Delhi Police-te kaihhruaina hnuaiah 'Special Cell' din a nih thu a sawi. Unioin minister of state for home, Kiren Rijiju chu hmarchhak mite tana mi ṭangkai tak a nih thu, Naga Students Union, Delhi (NSUD) programme buatsaiha telte hmaah a sawi bawk.