Arunachal-in Award dawng

Arunachal Pradesh chu India rama state te zingah infrastructure lama hmasawnna kalpui ṭha berah thlan a ni a, kar kalta Zirtawpni khan 'India Today State of the States conclave 2016' New Delhi-a neihah award hlan a ni. Arunachal hian Jawaharlal Nehru National Urban Renewal Mission (JNNURM) hnuaia project kalpui chu 67% an hlawhtlinpui a, hetih lai hian National average chu 14% chauh a ni. JNNURM hnuaia project kalpui ṭha state zingah hian hmarchhak aṭangin - Mizoram, Manipur, Assam leh Tripura-te chuan lawmman an dawng ve bawk.