Tripura : Lirtheia chetsualna thleng 13% in tlahniam

Tripura transport minister Sushanta Chowdhury chuan Thawhṭanni khan nikum nena khaikhinin kuminah state chhunga lirthei chetsualna thleng chu 13 % in a tlakhniam thu a puang.

Thawhlehnia State Road Safety Council meeting vawi 16-na, State Secretariat-a neihah Minister chuan lirthei chetsualna tlakhniam dan hi a sawi a, hei hi traffic leh police te hmalakna leh, mipuite traffice rules an zawm ṭhat rah chhuah a nih thu a sawi. He hunah hian Health Department, Tripura Police leh department pawimawhte an tel.

Chowdhury chuan sorkar laipui scheme zulzuiin, kawnga lirtheia chetsualna thlenga hliam tuarte a thlawna enkawlna kalpui a nih thuai tur thu a tarlang bawk. A thlawna enkawlna dawn theihna tur damdawi-in an ruat bikah Rs nuai 1.5 thleng an dawng thei dawn a ni. He scheme hi hman ṭan a nih hmain sawi hona an la neih mek thu a sawi bawk.

Minister chuan sorkar laipui nena inbe rawnin, damdawi-in ruat bikte leh eligibility criteria tling tura thil pawimawh chinfel a nih hnuah chief minister Manik Saha chuan scheme hi a tlangzarh dawn tih tarlangin, he hmalakna hmang hian Tripura puma kawngpuia chetsualna tuarte tan a hun tak leh awlsam zawka damdawi lam enkawlna pek tum a ni, a ti.