Sikkim Governor-in President Murmu hmu

Sikkim governor Om Prakash Mathur chuan Thawhlehni khan India president Droupadi Murmu chu Rashtrapati Bhavan, Delhi-ah a hmu a, Sikkim dinhmun leh hmasawnna tura project hrang hrang thawh mek chungchangte a hrilh.

Governor Mathur hian President Murmu hi lehkhabu, 'Utkarsh Yatra' tih a pe bawk. He lehkhabuah hian Sikkim Governor dinhmun a chelh aṭanga thla ruk chhunga programme leh activity pawimawh hrang hranga a hmalaknate ziah lan a ni. Governor hian a hmain vice president Jagdeep Dhankhar leh defence minister Rajnath Singh te pawh hmuin, an state-a hmalakna hrang hrangte a sawipui a; infrastructure, education, tourism, leh public welfare chungchangte a lo sawipui tawh bawk.

Sikkim chief minister Prem Singh Tamang pawhin kar liam ta khan President Murmu hi hmuin, Sikkim in state a nihna kum 50 a tlin lawmna puala coin leh postage siamte a lo pe tawh bawk a ni.