Javedkar-a'n Manipur tlawh turin minister-te ngen

Manipur election neih tura BJP election-in-charge, Union HRD minister Prakash Java-dekar chuan sorkar lai-puia minister-te chu Ma-nipur tlawh turin a ngen.

January 2017 khian Manipur-in inthlan a hmachhawn dawn a, November 20-ah Model Code of Conduct puan a ni ang. Hemi hma ngei hian minister-te chu Manipur tlawh turin Javadekar chuan a ngen a ni. BJP chuan hnehna chan ngei tumin nasa takin a campaign a, central-a party hruaitu lawk eng emaw zat chuan Manipur hi an tlawh tawh a ni. Hmarchhak state Assam ang bawkin Manipur-ah hian Congress party leh BJP chu inkhing hle tura ngaih an ni a, thawm pawh an nei lian sawt hle. Tribal-te'n Ibobi Singh-a kaihhruai sorkar an dodal avangin, kum 15 chhung zet ro a lo rel tawh Congress dinhmun chu a
ṭha lutuk lo nia ngaih a ni.