India rama college ṭha zingah Cotton College a lang pha

National Assessment and Accreditation Council (NAAC) in ‘A++’ grade a pek, Assam-a Cotton College chu India rama College ṭha zingah a lang phak.

‘A++' hi NAAC-in grade a pek theih sang ber a ni a, Cotton College hi hmarchhak huam chhunga collge zinga a pek awm chhun a ni. Cotton College hi point 4 pek theih aṭangin poin 3.76 pek a ni a, a grade zawng chuan A++ a ni a, India rama collge zinga hetiang dawng thei pathumna chiah a ni bawk. NAAC peer team-te hian September 14 - 16 chhung khan an endik a, Cotton College hian University Grants Commission (UGC)-in dan leh hrai a zamte a zawm ṭha hle nia tarlan a ni. NAAC chuan November 5, 2016 khan result hi an website-ah an tarlang a ni.

Punjab-a Government Mahin-dra College chu NAAC in point a pek tawh zingah a la hmu sang ber a, point 3.86 a hmu, hei hi Hans Raj Mahila Mahavidyalaya, Punjab (3.83) chuan dawttin Cotton College (3.76) hian pathumna a luah a ni. Heng bakah hian Jyoti Nivas Collegem (Karnataka) St Joseph College (Kerala) leh DAV College (Punjab) te chu India ramah a sang zual an ni bawk.