Arunachal Pradesh-ah CBSE sub-regional office sa dawn

Arunachal Pradesh-a zirna infrastructure leh inrelbawlna tih chakna atan State Council of Educational Research and Training (SCERT) chuan Central Board of Secondary Education (CBSE) nen inremna siamin, state khawpui Itanagar-ah CBSE temporary sub-regional office sak a ni dawn. Office hi SCERT campus, Gohpur Tinali, Chimpu huamchhungah sak a ni ang.

State sorkar chuan office sakna tur hian ram sqft 1720 a zau a pe a ni. Sub-Regional office hian Arunachal Pradesh-a academic year 2025-26 chhunga CBSE leh a kaihhnawih chungchang buaipui a ni dawn a, Itanagar CBSE Sub-Regional officer, J. Pankaj Bage-a'n a ho dawn a ni.

Office sak hian CBSE service hman ṭangkai kawngah mipuite a pui thei dawn a; sikul leh zirlaite tan hamṭhatna tam tak a thlen dawn bakah, zirna chungchanga inrelbawlnaah buaina a awm changin CBSE thuneitute nen thawhhona ṭha tak nen an chingfel zung zung thei tawh dawn a ni.