Sikkim : Khaw pathum homestay hub-ah siam dawn

Sikkim state tourism department chuan Namchi district-a thingtlang khaw mawi tak tak pathum - Sukrabaray, Gupti leh Sadam te homestay hub atan siam a tum.

State tourism minister T.T Bhutia chuan Thawhṭannia Namchi-a administrative official-te nen meeting neihah tourism project huam zau zawka kalpui dan tur ruahmanan an siam a ni. An ruahmanna siamah hian heng khaw pathuma cheng mi 100 vel chu homestay enkawl dan, adventure guiding, astro-tourism, api-tourism, mikhual laka ṭhatna lantir, eco- tourism leh hnam ziarang pho lan thiam dan kawngah training neih tir an tum a ni.

An hmalakan hmang hian Namchi chu tourism hmun ngelnghet a nih dawn bakah, a mi chengte dinhmun nasa takin a chawi kang thei dawn a ni tiin department official chuan a sawi. Sukrabaray, Gupti leh Sadam-a chenna in te chu homestay atan mawi taka thlak danglam an nih tur a sawi bawk