Assam : Ni 14 hnuah gas leak ti tawp thei

Oil and Natural Gas Corporation Limited (ONGC) chuan Assam-a Sivasgar district-a an gas khur pakhat aṭanga gas phuh chhuak leh leak chu ni 14 hnuah an ti phui thei ta tih nimin khan an sawi. Gas leak vang hian a bulhnai thingtlang khuaa cheng mi 1,500 chu sawn chhuah an lo ni tawh a ni.

Rudrasgar oilfied-a Well No. RDS-147A a gas leak-na chu niin chawhma dar 11:15 khan tih phui a ni tih ONGC chuan sawiin, he hna thawhnaah hian ONGC crisis management team bakah Petroleum and Natural Gas Ministry official leh international agency expert-te pawh an tel.

Petroleum and natural gas minister Hardeep Singh Puri chuan June 12 khan gas leak chu theihtawp chhuah a nih hnuah, ni rei lote hnuah hlawhtling taka tih phui theih a ni ta tih a sawi. Assam chief minister Himanta Biswa Sarma leh state sorkara official hrang hrangte chu hnathawktute theihtawpa an lo puihnaah lawmthu a hrilh.

June 12-a khur atanga gas phuhchhuah vang khan technical team leh emergency response unit tirh nghal an ni a, theihtawp an chhuah hnuah June 26-ah gas putna chu an ti phui thei ta a ni.