Nagaland : Minister-in Phek District Hospital leh Chozuba CHC tih changtlung tiam

Nagaland health and family welfare minister P. Paiwang Konyak chuan Phek District Hospital infrastructure tih changtlun tiamin laparoscopic khawl, ultrasound, ambulance service dah leh Chozuba Trauma Centre-a Medical Officer (MO) dah a ni dawn tih a sawi.

Minister hi Health & family Welfare Secretary, Deputy Commissioner (DC) leh Phek Police Superintendent (SP) ten ṭawiawmin, June 26 khan Phek District Hospital endikna an nei a ni. He hunah hian Chief Medical Officer office hnuaia storage facility an tlawh bawk a, sorkar laipui leh state health scheme, CMHIS leh Ayushman Bharat kalpui dan an enfiah bawk a ni.

Hemi hnu hian hospital conference hall-ah review meeting neih a ni a; Hohos tribal, khawchhung hruaitu leh senior official te an tel. Minister chuan in tlawh satliah mai ni loin, thawktu mamawh, OPD kalpui dan, fund hman dan endikna hun a nih thu a tarlang. Medical Superintendent-te chu Deputy Commissioner-te berawn chunga CMHIS leh Ayushman Bharat kalpuina tura doctor thiam tak ruai tur leh, damlo enkawlna ṭha zawka kalpui turin a hrilh.

Minister chuan thawktu indaih loh dante pawh sawilangin, Nagaland quota hnuaia NPSC leh MBBS zirlaiten an graduate hunah hna an thawh chhunzawm tur thu a sawi. Phek District Hospital chu district dangte entawn tlak an nih theih thu a tarlang bawk a ni.