Arunachal Pradesh: China ramri bulhnaiah hmeichhe sikul hawng

Arunachal Pradesh-a China ramri, Upper Subansiri district-ah zirna tih hmasawnna turin Ningani khan hmeichhe sikul hawn a ni. Hei hi Indo-China ramria tribal hmeichhiaten zirna ṭha an dawn theihna tura ruahman a ni.

He sikul Kasturba Gandhi Balika Vidyalaya hi Lable Moring, Payeng huamchhunga awm niin Labour, IPR leh Industries minister Nyato Dukam chuan a hawng a ni. Sikulah hi schedule caste, schedule tribe leh dinhmun hniam zawk, leh hnam tlem zawk bakah below poverty line (BPL) a hmeichhiate tana ruahman bik niin, zirna hi a thlawna kalpui a nih dawn bakah, sikul kalna tur nei remchang lote tan a hmuna awmchilh (boarding) pawh a theih dawn bawk.

Arunachal Pradesh Building and Other Construction Workers Welfare Board chairman Rolen Dagam bakah deputy commissioner Tasso Gambo te chu hawnna inkhawmah hian telin, he hmalakna ti hlawhtling tura thlawpna ṭha tak petu Taliha-a chengte hnenah tualchhung official Tadam Hanging Cherom chuan lawmthu a sawi.

Kasturba Gandhi Balika Vidyalaya program hi India ram hmun hrang hranga zirna avanga harsatna tawkte chhawmdawlna tura din a ni.