Naga flag leh constitution pawm turin Amit Shah ngen

United Naga Council (UNC) chuan union home minister Amit Shah hnenah memorandum thehlutin, Naga peace talk neih mekah Naga flag leh constitution hran phutna chu pawm sak turin an ngen. 

Amit Shah-a'n Manipur state a tlawh ṭumin UNC hian memoradum hi an lo thehlut a, sorkar laipuiin Indo-Naga inremna tluantling a awm theina tura a hmalakna chu fakawm an tih thute an sawi bawk. 

UNC chuan Manipur-a Naga hnam chengte chu hmanlaia an pi leh pute rama awm a ni tih sawiin, hnam dangte ram an luahsak a ni lo tih an sawi a ni. 

Amit Shah hnena UNC hminga memorandum thehluhah hian Khurmi Naga Peoples' Organisation, Chandel district; Naga Peoples' Organisation, Senapati district; Joint Naga Council, Tamenglong district te pawh an tel a ni.