State 4 aṭangin ṭum 50 chuang buaina kan tawk : Assam minister

Assam Assembly session neih mekah parliamentary affairs minister Chandra Mohan Patowary chuan kumin chhungin an ṭhenawm state pali aṭangin an ram luahsak chungchanga buaina ṭum 50 chuang an tawk tih a sawi. 

Opposition leader, Debabrata Saikia zawhna a chhannaah he thu hi sawiin, Patowary chuan an ṭhenawm state pali - Arunachal Pradesh, Meghalaya, Nagaland leh Mizoram-te chu an state chhunga ditrict 11-ah an ram luahsak tumin a lut  a ni, a ti.  Heng avang hian state sorkar chuan state pali leh sorkar laipui hnenah pawh ṭum eng emaw zat lehkha pein, meeting te pawh an nei fo tih a sawi  bawk. 

Assam ram chin rawn luah tuma buaina tam ber chu Mizoram ramri, Cachar district-a thleng nii, ṭum 17 a thleng tih a sawi. Hei bakah hian  West Karbi Anglong, Karbi Anglong, Kamrup, Lakhimpur, Dhemaji, Jorhat, Karimganj, Sadiya, Tinsukia and Sivasagar district-ahte ṭhenawm state-te nen hian ram inchuh chungchangah buaina a tawk bawk tih a sawi. 

Assam hi hmarchhak state dang parukte nen inriin, Nagaland (512.1 km), Arunachal Pradesh (804.1 km), Manipur (204.1 km), Mizoram (164.6 km), Tripura (46.3 km) leh Meghalaya (884.9 km), West Bengal nena an inrina hi km 127-a thui a ni bawk.