Assam : CM-in high-level board meeting kaihruai

Assam chief minister Himanta Biswa Sarma chuan Inrinni khan Guwahati Smart City Limited (GSCL) high-level board meeting kaihruaiin, Smart City Mission hnuaia state hmasawnna leh danglamna awmte thlir letna neih a ni. CM Sarma chuan infrastructure tih changtlunna tur lian tham tak tak thawh mek a nih thu a sawi.

Chief Minister chuan smart city project pawimawh tak tak thawh ennawnna a neih rualin, Rs vbc 422 man project chu zawhfel ni tawhin, project Rs vbc 633 man chu zawhfel a ni thuai dawn bawk tih a sawi. An hmalakna hnuaiah hian vantlang himna thuam chakna atan CCTV cameraa 2,000 chuang chu Guwahati khawpui hmun hrang hrangah dah a ni tawh a, Intelligent City Surveillance System pawh hman thuai tura buaipui mek a ni. Khualzinten an tlawh nasat ṭhin hmunte pawh tunlai bungrua changkang zawka thawmṭhat an ni.

Khawchhung cheimawina tur project, Guwahati Riverfront pawh zawhfel a ni dawn tawh a, zan lama khaw hawi a nawm zawk nan leh venhimna kalpuina atan kawngpui lian leh arterial route-ahte energy-efficient LED light hman an ni tawh.

CM Sarma chuan Guwahati thlak danglam chu mipuite tan chen nuam zawk leh mawi zawk a nih tur thu tarlangin, GSCL kaltlangin heng hmathlir ropui tak takte hi uluk taka kalpui a nih thu a sawi. Sarma chuan official-te hnenah smart city hmalaknaa project kalpui mekte chu a hun taka zo tur leh, hna ṭha taka thawk turin a hrilh.