Arunachal Pradesh : Roing-ah Bhupen Hazarika museum din dawn

Arunachal Pradesh deputy chief minister Chowna Mein chuan rimawi lama mi ril leh cultural icon, Dr. Bhupen Hazarika hriatrengna atan museum din a nih tur a puang. He thu hi Itanagar-a Civil Secretariat-a high-level coordination meeting-ah a puang a ni.

Coordination meeting hi deputy CM Chowna Mein kaihhruai niin, Education leh Tourism minister P.D. Sona, MLA Mutchu Mithi, Oken Tayeng leh Punnyo Apum te bakah official pawimawh tak tak eng emaw zat an tel a ni.

Museum hi Lower Dibang Valley, Roing-ah sak tur a ni a, Dr Hazarika thiamna leh Arunachal Pradesh tana a thawhhlawk zia hriatrengna tura duan a ni. He hmalakna hi rimawi, literature leh hmarchhak biala hnam hrang hrang inlungrualna thlentu a nih theihna tura ruahman a ni bawk.

Dr Hazarika chanchin, rimawi lama a sulhnu leh a hmathlirte pholanna pawh amah hriatrengna atan hian tlangzarh a ni bawk ang. Official-te chuan rimawi a thiamna mai ni loin, hnam hlutna, remna leh muanna bakah ram leh hnam chawikan lamah a thawh hlawk hle tih an sawi.