Sikkim: CM-in Siliguri panna double-lane highway siam turin ngen

Sikkim chief minister Prem Singh Tamang chuan Thawhṭanni khan National Highways and Infrastructure Development Corporation Limited (NHIDCL) chu Sikkim leh Siliguri, West Bengal thlunzawmna tur double-lane highway siam ngai pawimawh turin a ngen.

CM Tamang chuan NHIDCL aiawh, managing director Krishan Kumar kaihhruaite nena Gangtok-ah inbiakna an neihah inkalpawhna kawng tih changtlun leh helai bial chhunga veivakte tana nuam zawka siam dan turte an sawi ho a ni. Sevoke- Gangtok highway-ah ram a awih vang leh khuain a zir loh avangin harsatna an tawh fo thu a sawilang.

Chief Minister chuan zin veivah nuam leh awlsam zawk tura double-lane highway rintlak mamawhna a san thu a sawi a, NHIDCL nen an inbiakna pawh a ṭha lam a nih thu leh, hmasawnna awm theihna turin ruahmanna an siam tawh thu a tarlang. Tamang chuan Melli-Singtam kawng NH-210 tiha an puan avangin Ministry of Road Transport & Highways chungah lawmthu sawiin, km 23 a thui highway chuan inkalpawhna lamah hmasawnna leh Sikkim mipui tan eizawnna thar a siamsak thu a sawi bawk.