Assam CM leh Union Minister-in infrastructure hmasawn dan thlirlet

Assam chief minister Himanta Biswa Sarma chuan Nilaini khan New Delhi-ah road transport and highways minister Nitin Gadkari hmuin, Assam-a infrastructure project pawimawh tak tak hmasawn dan an thlir let. Meeting-ah hian Ministry thlawpna hnuaia project thawhte a hun taka zawhfel a nih theih dan turte an sawi dun.

Union minister Gadkari chuan CM Sarma chu an state-a project thawh mekah a kaihhruai ministry chuan theihtawpa a thlawp zel tur thu a hrilh a, heng project-te hi hmarchhak biala economy ṭhanlenna tur leh inkalpawhna tih changtlunna tur atana pawimawh a nih thu a sawi bawk.

Assam BJP-in CM beitute na takin an dem

Assam BJP chuan chief minister Himanta Biswa Sarma convoy chu Congress worker-ten Golaghat-ah tui bottle-in an vawm niin an sawi a, he thil thleng an dem thu thuchhuah siamin an tarlang.

BJP Assam general secretary Rituparna Baruah chuan Congress mi leh sate chet dan chu democracy kalh a nih thu leh, Chief Minister hial an bei ta mai chu hriatthiam har a tih thu a sawi. He thil thleng an duh lohna lantirin BJP Yuva Morcha (BJYM) karyakartas-te chuan district tinah sit-in demonstration an huaihawt bawk.