Meghalaya-in black pepper MT 10 Mumbai-ah thawn

Meghalaya chuan South Garo Hills aṭanga thar chhuah, organic black pepper metric ton 10 chu tun hnai khan Mumbai-ah an thawnchhuak leh. Hei hi ṭum hnih an thawnchhuahna niin, kum 2023 khan hlawhtling takin an lo thawn chhuak tawh a ni.

Chief minister Conrad K. Sangma chuan black pepper hi Kerupara leh Dingampara Integrated Village Cooperative Societies (IVCS), Zikzak block, South Garo Hills-a thar chhuah a nih thu a sawi. Mumbai-a Everest Spices chuan an khar chhawng tih tarlangin, Meghalaya-a organic lam tharchhuahin huang a zauh zel tih a ti lang chiang hle a ni, tiin X-ah a tarlang.

CM chuan he hlawhtlinna hi Meghalaya Basin Management Agency (MBMA) leh Meghalaya Livelihoods and Access to Markets Project (MeLAMP) ten cooperative society an thlawpna rahchhuah a ni tiin, tualchhung thar chhuah organic black pepper, 'black gold' tia sawi ṭhin state pawn lama thawhchhuah kawngah nasa takin an pui a ni, a ti.

Meghalaya hian spices hi kumtin metric ton 22,000 a tharchhuak ṭhin a, heng zingah hian aieng, sawhthing, tej patta (bay leaf) leh black pepper an tel.