Arunachal Pradesh : Indian Army-in mobile cinema kalpui

Arunchal Pradesh-a thingtlang khaw mipuite nen inzawmna siamna atan leh ṭhalaite fuih tharna atan Indian Army chuan Caravan Talkies nen ṭangkawpin special outreach initiative an kalpui. He campaign-ah hian mobile digital cinema van chu thingtlang hmun tlawh pawh loh leh hla zawkah te kalin infuihtharna film, Army documentary leh hna lakdan chungchang pholanna te an tichhuak dawn a ni.

Agniveer recruitment scheme-a ṭhalaite in ziahluhna tur counter pawh siam a ni dawn bawk. He hmalaknain a tum bulpui ber chu ṭhalaite leh mipui zinga Indian Army-a luh theih dan inzirtir niin, ram leh hman venghim tura sipai pawimawhnate pawh inzirtir a ni ang.

He campaign hi hmun hla leh tlawhpawh loh hmuna ṭhalaite entertaiment hmanga inzirtirna tur niin, armed force lama an tui theihna tur hunte siam a ni ang. Jorhat-a Army Recruitment Office aiawhte pawh he campaign chhimtute pawh kawmin, sipaia ṭang tura zawhna awmte leh inkaihhruaina te an zirtir dawn a ni.

Defence PRO Lt Col Mahendra Rawat chuan, Caravan Talkies campaign hi Arunachal Pradesh-a district-ahte phase hrang hranga kalpui a ni dawn tih a sawi. July 8 - 15 chhungin Papum Pare leh Lower Subansiri district-ah screening neih a ni dawn. Campaign dawt leh hi July 17- 22 chhungin neih leh tur a ni a, Upper Subansiri leh Lower Siang district an neih a ni ang.