Assam : PM-in Guwahati airport hawng dawn

Assam chief minister Himanta Biswa Sarma chuan kumin November thlaah prime minister Narendra Modi-a'n an state-ah airport thar leh six-lane road project a hawng dawn tih a sawi.

Chief Minister chuan airport thar an sak mek thu leh, an zawh hnaih tawh thu sawiin India rama airport mawi ber a ni dawn a ni, a ti. November thla hian MP Modi-a'n six-lane road nen a hawng dawn tih thuthar thehdarhtute a hrilh.

Airport sak mek hi Assam Chief Minister hmasa ber Gopinath Bordoloi hmingchawia sak a ni a, hmarchhak bial state-te tan ṭangkai tak a nih dawn bakah, rampawn lam thleng pawhin an chhawr ṭangkai thei dawn a ni. Adani Group flagship company, Adani Enterprise hnuaia awm Adani Airport Holdings Limited (AAHL)-in a enkawl a ni.

Pathianni, July 6-a Rukminigaon, Guwahati-a Bhagadatta Flyover-2 a hawnnaah CM he thu hi a sawi a ni. CM hi agriculture minister Atul Bora chuan a ṭawiawm. Flyover hi four-lane niin metre 660 a thui a ni a, Dispur-Six Mile corridor-a traffic tawt lutuk tihziaawmna tura tih a ni. He flyover hi thla kaw chhungin Rs vbc 112 sengin an siam zo a ni.