Arunachal : Vibrant Villages Programme-ah khaw 66 thlang tel

Arunachal Pradesh chief minister Pema Khandu chuan an state-a India leh Myanmar inrina hrula awm, thingtlang khaw 66 chu sorkar laipuiin ramri bula khua tih hmasawnna tur, Vibrant Villages Programme (VVP) a siam hnuaiah thlan tel an ni tih a sawi.

VVP atana khaw thlan chhuahte hi Tirap, Changlang leh Longding district amite an ni. Changlang district aṭangin khaw 42, Longding-ah khaw 13 leh Tirap aṭangin khaw 11 an tel. VVP hnuaia khaw thlan chhuahahte hian kawngpui, telecom, electricty, nitin khawsakna leh kut themthiamna lam tih hmasawn hna thawh a ni ang.

Official-te chuan he programme hi nitin khawsak phung, infrastructure, tourism, skill development leh inkalpawh leh inbiak pawhna bakah renewable energy lama ramri hrula chengte dinhmun hniam bik tih ziaawmna leh chawikanna tur a ni tih an sawi.

Sorkar laipui chuan kum 2023 khan Vibrant Village Programme thawh khatna atan Indo-Bhutan leh Indo-Tibet ramri hrula khaw 455 a lo thlang tawh a, heng zinga khaw 135 te chu tlawhpawhna kawngpui pawh awm lo te an ni.