India-in China a ngaichang tur a ni - Consulate General

Tibetan sakhaw hruaitu, Dalai Lama-a'n Arunachal Pradesh a tlawh tur chungchangah, India chuan China sorkar thu a ngaichang tur a ni, tiin Consulate General of China, Ma Zhanwua chuan a sawi. Chinese consulate general office chuan Nilaini khan south Kolkata-a naupang naupang rethei leh chhumchhiate tan computer an sem a, he hunah hian Ma Zhanwua chuan he thu hi a sawi a ni.

Ma Zhanwu chuan, “China sorkar chuan Dalai Lama-a'n Arunachal a tlawh tur hi ṭha a ti lo a, hemi chungchangah hian India chuan China sorkar thu a ngaichang tur a ni" a ti. China chuan Aruanchal chu a ram bung pakhatah a chhiar tih sawiin, a hming pawh 'Zang Nan' tiin a sawi ṭhin a, engtik lai mahin a enhrang ngai lo tih a sawi. Tibetan sakhaw puithiamin a tlawh tur chungchangah harsatna a awm loh tur thu India-in a sawi hi a awm lo hle a ni, tiin China sorkar zah loah India a puh. India leh China-te chu ram inṭhian ṭha tak niin a sawi a, hei hi vawn nun reng a ngai a ni, Zhanwu chuan a ti bawk.

Dalai Lama hian kum 2017 kumtir lamah Aruanchal Chief Minister Pema Khandu sawmna angin Tawang tlawh a tum a, hei hi China chuan a duh lo hle. Hetih lai hian India chuan Dalai Lama-a'n ram chhung hmun hrang hrang a tlawh duh a nih chuan harsatna a awm loh tur thu a sawi a ni.