India leh Bangladesh-te'n 'joint exploration' neih remti

India leh Bangladesh sorkar chuan Tripura-a gas lakchhuah kawngah 'joint exploration' neih an remti.

Synergy For Energy Challe-nges and Opportunities in N-E (SECONE) chuan tun hnai khan ni hnih awh ‘International confe-rence' a buatsaih a, he hunah hian ram pahnih aiawhte an tel. He hunah hian Indian energy company lian - ONGC, GAIL, IOL-te pawh an tel. SECONE chuan Tripura-a ‘International conference' buatsaih a nih chhan chu natural gas-ah a hausa a, Bangladesh leh Myanmar inri-naa awm a nih bawk avangin kawng tam takah ṭhenawm ramte nen thawhhonna ṭha zawk a awm theih an beisei vang a nih thu an sawi. SECONE secretary Anil Kr Saikia chuan, Tripura chu hmarchhak state zingah gas thar chhuak hnem ber pawl a nih thu sawiin, lak chhuah loh eng emaw zat a la nei a ni. Gas tam zawk lakchhuah a nih theihna tur leh industry tam zawk din a nih theih nan hmalak a ni zel ang, a ti.

Bangladesh palai Petro Bang-la-a an director hlui Md Maqbhul E Elahi chuan, India hmarchhak leh a ṭhenawm ramte chuan leilung hausakna an neih ṭhat thu sawiin, lak chhua erawh a tlem hle a ni, a ti. Gas tam zawk la chhuak tur hian, Bangladesh chuan amah maiin thil a ti thei lo a, India pawhin a tithei hek lo, chumi a nih vangin ṭhenawm ramte nena thawhho hi thil ṭha tak a ni, a ti. He hunah hian ONGC Tripura Asset Manager S.C. Soni chuan thu a sawi ve bawk. Soni chuan Bangladesh leh India sorkar chuan gas lak chhuah kawngah 'joint exploration' neih an remtih thu sawiin, inremna kimchang erawh a tarlang lo.