PAC meet-a tel turin Congress hruaituten Assam thleng

Congress party president Mallikarjun Kharge leh Lok Sabha Leader of Opposition Rahul Gandhi-te chu Political Affairs Committee (PAC) meeting nei turin nimin zing khan Guwahati, Assam an thleng.

Assam Congress president Gaurav Gogoi chuan party hotute hi Guwahati airport-ah alo dawngsawng a ni.

PAC meeting an telpui bakah, Kharge leh Gandhi te hian Pradesh Congress Committee (PCC) office bearers, Members of Parliament, MLA, leh Congress worker-te chu a hranin hun an hmanpui bawk ang. Hruaitu pahnihte hian state Congress president atana Gogoi ruat a nih hnua Assam an tlawhna hmasa ber a ni.

Gaurag Gogoi chuan Assam-a BJP sorkarin dik lo taka ro a relsak, hlauhlawpa a siamte tan Congress chu a ding zel dawn tih a sawi. Chief minister Himanta Biswa Sarma chu dik lo takin ram hectare 17,000 dawna zau chu Assam mi ni lo, sumdawng hausa te hnenah a pe a ni, a ti.

Heng ram a pekna turah hian tualchhung mite pawh a berawn miah lo niin a sawi. "CM leh a thawhpuite chuan mi retheite ram an chhuhsak a ni. Tribal leh hnam tlem zawkte chenna nei loin an siam bawk. Congress chuan Assam mipuite zah an nihna tur leh, an ram chunga dikna chanvo an neihte humhalhna turin a bei zel dawn," tiin Gogoi chuan a sawi.