CBI-in Nagaland University dean an man

Central Bureau of Investigation (CBI) chuan Thawhlehni khan Nagaland University dean, Chitta Ranjan Deb chu scientific equipment leina tender ti danglam a, thamna sum laa puh a nihna kaihhnawihah an man.

University-a School of Sciences dean, Internal Quality Assurance Cell (IQAC) -a director ni mek Deb lakah hian July 12 khan thubuai ziah luh a ni. Deb hi scientific equipment leina tura tender tih chhuah chu lo ti danglamin, vendor ṭhenkhat hnen aṭangin thamna sum lain tender hi a chantir a ni.

CBI offiical chuan Deb hian a thiltih avangin mimala hlawkna a tel laiin, university erawh chuan sum a hloh phah tih an sawi. A thubuai kaihhnawihah hian Assam, Nagaland leh Tripura-a hmun pathum chu an dap tawh bawk. Heng hmun an dapnaah hian pawisa an inthawnna record leh tender kaihhawnih document-te an hmu chhuak a ni.

CBI chuan chhui hna hi thawh chhunzawm zel a la ni dawn a, Deb leh vendor-te inbiak dan leh financial record pawh enfiah leh a la ni dawn tih an sawi. An thil hmuhchhuah dan azirin thubuai pawh ziah luh belh a la ni maithei bawk.