800 MW Pumped Storage Power Plant nei dawn

Tripura power minister Ratan Lal Nath chuan an state-ah 800 MW Pumped Storage Project (PSP) chu hmarchhak biala a hmasa berna ni turin siam a ni dawn tih a puang.

Minister chuan he thu hi Guwahati-a North Eastern Region Power Committee meeting vawi 29-na neihnaah a puang a, plant siam hna hi Dhlai district-ah National Hrdro Power Corporation (NHPC) an thawk dawn tih a sawi bawk. PSP hi Union Ministry of Power kaihhruaina zulzuia siam a nih tur thu a sawi a ni.

Power Minister hi OTPC Palatana power project atana gas man tihsan tumna dodalna kawngah pawh a thawh hlawk hle, he rawtna hi hmarchhak state-te tan sum lamah phurrit a siam theih dawn avangin a duh lo a ni. He rawtna hi kalpui a nih chuan Tripura chauh ni lo, he project aṭanga electricity supply-na, hmarchhak state tam zawk tan sum lamah phurrit a siam dawn a ni, a ti. A dodal nasat avangin North Eastern Power Committee chuan rawtna siam chu an hnawl phah niin a sawi bawk.

Nath chuan Tripura-in clean energy a kalpuina dan hrang hrangte sawi langin, solar street light 45,000 dah a nih tawh bakah solar pump 4,900 leh 215 micro-grid leh rooftop/off-grid solar project MW 26 pawh dah a ni tawh tih a tarlang.

Asian Development Bank (ADB) nen Rs vbc 2,275 hu inremna MoU an siam hnuaiah state sorkar chuan Rokhia leh Doombur power project thawm ṭhat leh a huang zauh a tum thu Nath chuan a sawi. Hei mai bakah Tripura solar energy tih hmasawnna atan battery energy storage system hman tum a ni tih a sawilang bawk.