Meghalaya : Union MoS-in Meghalaya hmasawnna fak

Union minister of state for cooperation Krishan Pal Gurjar chuan Meghalaya chu ni hnih chamin a tlawh a, hmasawnna hnathawhte endikin Meghalaya hmasawnna chu a fak hle. Minister hi state senior official, district thuneitute leh dapartment-te nen centrally-sponsored scheme leh infrastructure tih hmasawn, khawtlang nun chawikan leh nitin khawsak tih changtlunna kawnga hnathaawhte an ennawn a ni.

Union Minister chuan hmun hla leh tlawhpawh loh chawikan kawnga sorkar laipui hmalaknate sawiin, Viksit Bharat hmangin Meghalaya-a tlangram leh hmun hla leh tlapawh lohte chu tih hmasawn an ni dawn tih a sawi. Sorkar laipui leh state sorkar thawhdunna ṭha neih a ṭul thu sawiin, project kalpui tura a hun tak leh langtlang taka thawh a pawimawh tih a sawi.

Gurjar chuan flagship scheme hrang hrang - Pradhan Mantri Awas Yojana, Lakhpati Didi, Jal Jeevan Mission leh Primary Agricultural Credit Society bakah sorkar laipui thlawp scheme hrang hranga hnathawhte a ennawn a, a hlawhtling hle niin a sawi. Meghalaya inkaihhruaina leh civil society-te hmalaknaa hlawhtlinna tam tak awm chu a fak hle a, prime minister Narendra Modi kaihhruaina hnuaiah hmarchhak bialah helna leh buaina chhuak a tlem tawh tih a tarlang.