Manipur : IDPs tan Saiton-ah computer training centre hawng

Manipur-a Bishnupur district-a Lamjing Meira Maheikol School-ah state chhung buaina avanga chenna in leh lo chhuahsan, internally displaced person (IDP) te tan Phanjoubam Birendro Memorial Computer Institute chu Inrinni khan hawn a ni.

He computer training centre siamna turah hian brigadier Abhijit A. Ukidwe kaihhruaina hnuaiah Indian Army chuan a pui a ni. Hawnna inkhawmah hian khawtlang hruaitu langsar, academic staff, zirlaite bakah Indian Army aiawhte pawh an tel. Brigadier Ukidwe chuan Indian Army leh sikul thuneitute thawh honaa digital zirna tih hmasawnna tur platform an din chu lawmawm a tih thu sawiin, he computer training centre hi chenna in leh lo chhuahsanten digital lama thiamna an neihna tur a ni tih a sawi.

Centre hi khawtlang hmasawnna leh zirna chawikanna atana theihtawp lo chhuah ṭhin, Phanjoubam Birendro hriatrengna atan a hming chawi tir a ni. Khawtlang mipui tan training program leh digital lam thiamna pekna atana hmalakna a nih rualin, chenna in leh lo chhuahsante tan ruahman bik a ni.