Sikkim : Battlefield tourism hnuaiah Chola leh Doklam hawng dawn

Sikkim khawchhak lama Chola leh Doklam bial chu Battlefield Tourism (Ranbhoomi Tourism) hnuaiah kumin September aṭangin ram chhung khualzinte tlawh theiha hawn a ni dawn.

Sikkim Tourism Department-a additional secratary, CS Rao chuan state chhunga Doklam, Chola leh Nathula chu sorkar laipuiin battlefield tourism circuit hnuaia India rama hmun 30-40 a thlan zingah an tel tih a sawi. Heng hmunte hi Indian Army berawnin, tourism lam tih changtlunna atan chei ṭhat a ni tih a sawi. Kumin September thlaah khualzinte tlawh theih tura peihfel hman an tum.

Doklam hi 2017-a India leh Chian sipaite inbeihna thlenna hmun niin ram pum huap pawhin ngaihven a hlawh hle. Khualzinte tlawh theiha hawn a nih hunah pawh tlawhtu an tam hle an ring tih Rao chuan a sawi. Mahse dan khauh takin an siam dawn tih sawiin, ni khatah motor 25-30 bak luh an phal rih dawn lo a, boruak awmdan azirin an la ti pung leh zawk dawn tih a tarlang. Union Home Minister nen inbiain thutlukna chu siam a la ni ang, tiin a sawi.