Manipur-ah kum khat dang AFSPA pawtsei

Manipur sorkar chuan Imphal municipal area huam tel loin, state chhung hmun dang zawng 'Disturbed Area'-a puanna chu kum khat dang a pawtsei. 

Home deparment-in thuchhuah a siamah, Imphal municipal area telloin state pum chu kum khat dang atan Disturbed Area-ah puan chhunzawm leh a ni a, heng hmunah hian sipai hnena thuneihna sang pekna, Armed Forces (Special Powers) Act, 1958 (Act No. 28 of 1958) chu hman chhunzawm leh vek a ni ang. He dan hi December 1, 2020 aṭanga chhiarin kum khat chhung hman leh an ni dawn a ni.   

Thuchhuahah hian state chhung hmun hrang hrangah helpawl leh inlakhran duhtu pawlten pawikhawihna a la thleng chhunzawm reng chu thil ṭha lo tak a ni tih sawiin, civil power bakah Armed force hman chhunzawm zel chu  la ṭul a ni, a ti.