Sikkim CM-in Skywalk project lungphum phum

Sikkim Chief minister Pawan Chamling chuan kar kalta Ningani khan Dhapper-a Yangang-ah Ropeway leh Bha-leydhunga Skywalk Pro-ject lungphum a phum.

Chamling chuan Bhaleydhunga Skywalk Project chu peihfel a nih hunah chuan khawvela skywalk sang ber a ni dawn, a ti. Skywalk hi a san zawng feet 10,300 tura duan a ni a, India rama a hmasa ber tur a ni ang. Chamling chuan khualzinte hipna turin Ropeway siam belh a nih tur thu sawiin, ramchhung leh ram pawn aṭanga khualzin tam zawkte hip thei turin hma lak a ni zel dawn, a ti.

Skywalk Project chuan ṭhalai tam tak eizawnna kawngah a puih theih beisei a nih thu sawiin, hei hian state economy pawh a chawikan ngei beisei a ni, Chamling chuan a ti. "Sikkim chu khawvel huap pawha khualzinte tlawhchak leh, lar a nih theihna turin hma lak mek a ni, India rama orga-nic state hmasa ber leh awmchhun kan ni a, hei pawh hi hman ṭangkai chhoh zel a ni ang" a ti bawk.

Pawan Chamling chuan Sikkim chu 'model State'-ah siam tumin hma lak mek a nih thu sawiin, hemi atan hian scheme leh policy hrang hrang kalpui mek a ni a, hengte hi a hlawhtling thei a nih chuan Sikkim chu sang takah a awm thei dawn a ni, a ti. Tourism chu an state sum hnar pawimawh tak a nih avangin tourism deparment chu thuam chak mek zel a ni, a ti. Sikkim CM chuan Skywalk projet a hun takah zawh a nih theih nana hmalakna thlawp zel turin mipuite a sawm bawk.