Assam Police-te'n APSC Official dang man ve leh

Assam Police-te chuan Assam Public Service Commission (APSC)-a deputy controller of exa-mination, Pabitra Kaibartta chu kar kalta Inrinni khan an man ve leh ta. Pabitra Kaibartta hi court chuan ni li chhung police custody-ah awm turin thupek a chhuah.

APSC hnuaia hnalak chhuina kal zelah hian APSC chairman Rakesh Paul chu man a lo ni tawh a, official-te hi thamna sum laah puh an ni. Paul-a chenna in chu dap niin pawisa fai cheng nuai 10, laptop (1), mobile phone (3), tabulation sheet (9), answer script leh document pawimawh eng emaw zat man a ni. Tun hnai khan Guwahati-a APSC headquarters office chu Criminal Investigation Department (CID) ten dapin, confidential room leh answer script strong room-te chu an lo enfiah tawh a ni.

Hetih mek lai hian Assam Police leh vigilance and anti-corruption wing ṭangkawpte chuan kar kalta Zirtawp ni khan, Directorate of Social Welfare (DSW) office dapin, junior assistant pakhat Manabendra Dutta-a car aṭangin pawisa fai cheng nuai nga an man. He thil hi Chief Minister Sarbananda Sonowal-a thupeka ti an nih thu anti-corruption official chuan an sawi. Police-te'n office an thlen rual hian Dutta hian a car hmangin office campus hi chhuahsan a tum a, police-te chuan nang chingin an man zui ta a ni. Chief minister Sonowal chuan social welfare depart-ment-a thawk zingah eiru an awm tih sawiin, inhnamhnawihte chu hrem an nih tur thu a sawi.

Nihna pawimawh a chelh tawh Thenkhat

ϖ Secretary - South Eastern Transport Co-operative Society Ltd.

ϖ Secretary - Athokpam High School

ϖ Secretary - Madhya Junior High School

ϖ Secretary - Congress Legislature Party (I)

ϖ President - M.P.C.C.(I), Manipur

ϖ Chief Minister - Manipur (2002 - Present)