Sorkar laipuiin 90:10 funding pattern hmang chhunzawm dawn : Sarma

Assam Finance minister Himanta Biswa Sarma chuan Assam leh hmarchhak state dangah sorkar laipui chuan externally-aided project (EAP) atana sum intumsem danah 90:10 funding pattern a hmang chhunzawm zel dawn tih a sawi.

Minister chuan a hmaa lo kalpui tawh ṭhin 90:10 funding pattern hmang chhunzawm tur hian sorkar laipui chuan ruahmanna a siam niin a sawi. Thuthar thehdarhtute zawhna chhangin, Sharma chuan finance ministry aṭangin hemi chungchangah hian hriattirna an dawn tawh thu sawiin, project senso 90% chu sorkar laipuiin a tum dawn a, state sorkar tum ve tur chu 10% chauh a ni, a ti.

Assam-a zirlai scholarship diltu zinga Aadhaar card nei lo ten harsatna an tawh loh tur thu Union Human Resource Development minister, Prakash Javadekar chuan a hrilh tawh bawk niin Finance minister chuan a sawi a ni.

HRD ministry chuan 'Ishan Uday' scheme hnuaiah state mipuiten Aadhar card an neih kher a phut lo nia a sawi bakah, Assam sorkar chuan Aadhar card scheme a kalpui loh thu a sawi. Finance minister Himanta Biswa Sarma chuan 7th Pay Commission chuan November 18-ah report a thehlut dawn tih sawiin, state sorkar chuan April 1, 2017-ah hman ṭan a tum a ni, a ti bawk.