Arunachal media-te'n Bihar journalist thah an dem

Arunachal Press Club (APC), Arunachal Pra-desh Union of Wor-king Journalists (APUWJ) leh Arunachal Electronic Media Asso-ciation (AE-MA)-te chuan Pathian-ni khan thu-chhuah inṭawm siamin, Bihar-a journalist pakhat Dharmendra Kumar Singh thah a ni chu an dem thu an sawi.

Journalist Singh hi kar kalta Inrinni zing khan tu tih hriat loh motorcycle-a chuangte chuan an kap hlum a, thla ruk chhungin Biahar-ah hian journalist pahnih thah an ni. Hei hi APC, APUWJ leh AEMA te chuan an dem takzet tih an sawi a, tun hnuah thleng tawh lo se an duh thu an sawi. Bihar sorkar chu journalsit-te himna ngai pawimawh tura ngenin, 'freedom of speech' humhim a nih zel theih nana hma la turin an phut tih an sawi. Tualthattute chu zawng chhuak a, an phu ang tawk hremna pe turin an phut.

APC, APUWJ leh AEMA thuchhuah inṭawm chuan, Singh-a thihna chuan ram puma working journalist-te tan chona thar a siam ngei an beisei thu an tarlang bawk.