Manipur : Sorkar sikul-a contract zirtirtuten nawrh huaihawt

Manipur-a sorkar sikula contract-a hnathawk zirtirtute 600 chuangte chuan an service mumal taka kalpui a nih theihna turin leh, a hun taka hlawh lak ngiatin nawrh an huaihawt mek.

Lecturers' Association Manipur (2018 batch) buatsaihin zirtirtute hian Thawhṭanni aṭang khan ni ruk chhung awh tur nawrh hi an huaihawt a ni.

State cabinet-in January 2022-a sorkar hnuaia contract-a thawk zirtirtute mumal zawka an service kalpuina tura thutlukna an siam leh, April 2023-a a hun taka hlawh an lak theihna tura thutlukna an lo siam tawh tun thlenga hman a la nih loh avangin nawrh hi an huaihawt ta a ni.

Zirtirtute chuan ṭha taka hna an thawh thu sawiin, hetih rual hian hlawh mumal taka an lak ngai loh thu an sawi. Nawrh huaihawt avang hian sikul tam tak chuan an tuar mek a, mahse duhthlan tur dang an neih loh avang a nih thu an sawilang. Zirlaite harsatna tawh an hriatthiampui thu an sawi rualin, sum lamah harsatna nasa tak an tawk tih an tarlang. An harsatna tawh chungchangah sorkar chu a rang lama hmalaksak turin an ngen.