Kum 5 chhungin kum tin doctor 1,000 lak tum a ni : Assam CM

Assam chief minister Himanta Biswa Sarma chuan kum nga chhungin kum tin doctor 1,000 lak a tum tih a puang. Hei hi hun rei tak hna ruak hnawh khah loha awm hnawh khatna tur leh, hmun hla leh tlawhpawh harsaa awmten damdawi lam inenkawlna an dawn theihna tura ruahmanna a ni.

Ningania Guwahati-a vantlang inkhawma thu a sawiah, Chief Minister Sarma chuan sorkarin health sector tih chak a tum thu a sawi a, kum nga chhunga kum tin doctor 1,000 lak chu thil tiam mai ni loin, an state hmalam hun zel atan a ni tih a tarlang. State-a mihring pung zel leh, hriselna lama harsatna tawk an tam chhoh zel avangin he thutlukna an siam hian vantlang hriselna kawngah hmasawnna a thlen a beisei thu a sawi.

CM Sarma chuan doctor lak tharnaah hian thingtlang leh khawsak harsa zawkte chen tamna hmuna dah chu ngaih pawimawh a ni dawn tih a sawi. Health center leh primary health unit-te chuan thawktu an indaih lo nasa hle a, hmun ṭhenkhatah chuan medical officer pawh an nei lo a ni. Henglai hmuna doctor dah thar an nih chuan healthcare lama harsatna an tawh ṭhin sukiang thei tura beisei niin, hmun hla leh tlawhpawh harsa ten health service an mamawh ang an dawng thei dawn a ni, a ti.