Meghalaya: Black pepper chingtuten Rs vbc 1.24 hmuchhuak

Meghalaya-a West Garo Hills block-a Tikrikilla, Dalu, leh Dadenggre block huamchhunga Integrated Village Cooperative Societies (IVCS) 10 chuan black pepper an thar chhuah metric ton 19.725 hralhchhuakin, Rs vbc 1.24 an hmuchhuak.

Loneitute hian kum 2023 khan black pepper hi kg khat Rs 450 in an hralh ṭhin a, kuminah erawh kg khat Rs 631 in an hralh a, an hralhna man hi 40% in a pung a ni.

Black pepper-te hi Mumbai-a Everest Masala Company hnenah an supplier, Sundardas Rathansey Spices Private Limited kaltlangin hralh a ni ang. Mumbaia thawnchhuah tur black pepper hi District Horticulture officer, Thera Ch. Marak chuan Inrinni khan a vailiam.

IVCS ah hian Pringprang, Migasal, Chichang, Jangrapara, Rengsinpara, Chengaldare, Chandisila, Thallang, Bugi, leh Kumonggrik-te an tel. IVCS hruaitute chuan Meghalaya chief minister Conrad K. Sangma bakah, Horticulture Department, Meghalaya Basin Management Agency, Cooperation Department leh MCAB Bank ten an thlawp chhunzawm zel avangin lawmthu an sawi.