Sikkim : CM-in taxi khalhtute tan Health Insurance Scheme puang

Sikkim chief minister Prem Singh Tamang chuan Pathiannia Gangtok-a 7th Sarathi Samman Diwas a hmanpuinaah state chhunga taxi khalhtute tana health insurance scheme siam a nih thu a puang. He scheme hian commerical taxi driver license nei 5,000 a huam phawt dawn a, dah belh tum a ni bawk.

Chief Minister chuan haelth insurance scheme hian taxi driver-te chu kum khat chhungin dam loh leh chetsualna thil avanga damdawi-ina an awmna man Rs nuai 5 thleng a tumsak dawn tih a sawi. Vantlang mipui tana lirthei khalh ṭhinte inpekna chu fakin, state-a public tranport service tluang taka kalpui a nih zel theihna turin hma lak a ni dawn tih a sawi bawk

CM Tamang chuan sorkar motor khalhtu, mimal lirthei sumdawnna atana hmang, truck leh tipper khalhtute leh khualzin motor khalhtute chu state tan mi pawimawh tak an ni tih sawilangin, hmeichhe motor khalhte pawh an chakna leh inpekna bakah an tumruhna chu sorkarin a hriatpui reng thu a sawi. Chawlh pawh sawi loa rim taka lirthei khalhtute chungah lawmthu sawiin, Sikkim hmasawnna atan bakah inlungrualna leh chhuanawm nih theihna turin rim taka thawk chhunzawm turin a chah. 7th Sarathi Samman Diwas hmannaah hian CM hi a nupui Krishna Rai chuan a ṭawiawm a ni.