Disturbed Area-ah Nagaland puan chhunzawm

Sorkar laipui chuan Nagaland state pum chu thla ruk dang 'disturbed area' ah a puan chhunzawm a, sipai hnena thuneihna sang pekna, Armed Forces (Special Powers) Act, 1958 (No. 28 of 1958) hman chhunzawm a ni ang. 

Kum 2020, July 1 khan Nagaland state hi thla ruk atan disturbed area-ah puan a ni a, nimin khan a tawp hun a ni. Mahse sorkar laipui chuan Nagaland state dinhmun thlirin thla ruk dang a puan chhunzawm leh ta a ni. 

Thuchhuah a siam, union ministry of home affairs chuan Nagaland state dinhmun chu a la ralmuang tawk lo a, hei vang hian civil power thuam chakna turin sipai puihna hman hi a la ṭul niin a sawi.