AP-a Changlang district-in Digital India Award 2020 dawng

2nd January, 2021

Arunachal Pradesh-a Changlang district chuan digital governance siamna kawnga a thawh ṭhat avangin 'Excellence in digital governance (district)' category-ah Digital India Awards 2020 a dawng.

Ministry of Electronics and Information Technology hmalakna, Digital India Awards 2020 hi Nilaini khan president Ram Nath Kovind chuan video conferencing kaltlangin a pe a ni.

Chief minister Pema Khandu chuan Changlang district thuneitute leh mipuite lawmpuina a hlan bawk.