Assam : CM-in PM Modi a hmu

Assam chief minister Himanta Biswa Sarma chuan Thawhṭanni khan New Delhi-ah prime minister Narendra Modi hmuin, state chhung dinhmun leh welfare scheme hrang hranga hmasawnna awmte a hrilh. Chief Minister hian union finance minister Nirmala Sitharaman leh Minister of Coal and Mines G. Kishan Reddy pawh a hmu nghal bawk.

Prime Minister hi September 8 hian Assam tlawh tura ruahman niin, kum khat chhung awh tur Bharat Ratna Dr. Bhupen Hazarika piancham lawmna a hawng dawn a, Golaghat district-a Numaligarh-a ram pum huap bio-ethanol plant hmasa ber chu a hawng dawn bawk.

CM Sarma chuan union finance minister Nirmala Sitharaman pawh Parliament-ah hmuin, state dinhmunte hrilhin economy hmasawnna a awm zel theihna turin Ministry puihbawmna a ngen. Gohpur-a Kanaklata Barua University din tur lungphum phum turin a sawm nghal bawk. He university hming hi Assam-a zalenna sualtu ropui zinga mi, Birangana Kanaklata Barua hming chawia siam niin, sak zawh a nih hunah chuan program pawimawh tak tak, artificial intelligence, quantum computing leh robotic course-te pawh a awm dawn tih Chief Minister chuan a sawi. Sarma hian union minister for coal and mines, G. Kishan Reddy pawh hmu bawkin Margherita-a Tinsukia district-a Coal India hmalakna kalpui mekte a sawipui a ni.