Manipur : Union Minister-in hostel sakna tur lungphum phum

Union minister of education Dharmendra Pradhan chuan July 29 khan virtual hmangin Manipur district hrang hrang sikula hostel sakna tur lungphum a phum. Heng hostel-te hi Dharti Aaba Janjatiya Gram Utkarsh Abhiyan (DA-JGUA) leh Pradhan Mantri Janjati Adivasi Nyaya Maha Abhiyan (PM-JANMAN) hnuaia sak tur a ni.

Scheme hnuaiah hian Bishnupur district-a Naree Kalyan Vidyalaya chu hostel sakna tura tih chian tawh a ni. He hmalakna hi zirna leh infrastructure tihhmasawnna hmanga tribal mite chawikanna tura ruahman a ni. Virtual hmanga hawnna hun hi State Directorate of Education (S) buatsaih a ni.

Union minister of state for education Sukanta Majumdar pawhin virtual hmangin Kangpokpi district-a T.Vaichong-a DA-JGUA hnuaia hostel sakna tur lungphum a phum bawk a, he hunah hian union minister of state for education (Independent Charge) Jayant Chaudhury leh Manipur Outer Parliament Constituency MP Alfred Kangam S Arthur te an tel.