Tripura: PM-KISAN scheme hnuaiah pawisa sem dawn

Tripura-ah Pradhan Mantri Kisan Samman Nidhi Yojana (PM-KISAN) hnuaiah August 2 hian loneitute bank account-ah installment vawi 20-na atan Rs vbc 45.43 dah luh sak an ni dawn.

Agriculture and Farmers' Welfare minister Ratan Lal Nath chuan loneitute hnena sum pek a nih tur thu hi sawiin, loneitute thawhrimna chu a fak hle. Tripura-in agriculture lama hmasawnna a neih chhan nia sawiin, "Tripura-a loneitu taima tak takte hian state agriculture lama hmasawnna kawngah an thawh hlawk hle a ni," a ti. Minister chuan loneituten eizawnna ngelnghet an neih theihna turin state sorkar leh sorkar laipui chu an thawk dun reng tih a sawi bawk.

August 2 chawhma dar 11-ah prime minister Narendra Modi chuan he scheme hnuaia installment vawi 20-na hamṭhatna dawngtute bank account-ah Varanasi, Uttar Pradesh aṭangin sum hi a thawn dawn tih a sawi. Tripura State Agriculture Research Station, ND Nagar-ah hun hman a ni dawn a, Prime Minister thusawi ngaithla turin Minister pawh hi a tel dawn a ni. Minister chuan loneitute chawikan leh an hmasawnna kawnga sorkar inpeknate sawilangin,hun lo kal zel turah paawh an thlawp zui zel dawn tih a sawi.