Sikkim: Sorkar hnathawk tan Sabbatical Leave Scheme tlangzarh

Sikkim chu India ram state zinga sorkar hnathawkte tana Sabbatical Leave scheme siam hmasa ber niin, hei hi mimal leh hnathawhna lamin hma a sawn theihna atana an duan a ni.

Kum 2023, August thla khan he scheme hi tlangzarh a ni. He policy-ah hian state-a sorkar hnathawk, kum nga aia tlem lo service tawhte chu ni 365 aṭanga ni 1,080 thleng chawlh an la thei a, an kal loh chhunga an thlabi hlawh aṭangin 50% an dawng thei dawn a ni. Scheme-ah hian hnathawh rei tawh dan chu ngaih pawimawh a ni a, sorkarin hriattirna a pek aṭanga thlakhat hnuah hnathawkte hi an ko let leh thei ang.

Official thuchhuah chuan he hmalakna hian ṭhalai tam takin an mimal thil tum an hlen chhuak leh, entrepreneur lama hmalakna pawh an kalpui thei tih a sawi.He scheme hi thla ruk chhung service zo fel tawh, sorkar hnathawk nghet ni lo tan pawh tihzauh a ni.

He kalphung hi hman ṭan a nih theihna turin sorkar chuan April 2025 khan sabbatical leave pe thei turte a pawm. Head of Department-te chu Group C leh D-a hnathawkte tan chawlh dilna phalsak turin thuneihna pek an ni a, Group A leh B chawlh phalna pek chu Personnel Department Secretary kutah a awm thung.