Tripura-in office-ah hmai tuamna hmang vek turin hriattir

Tripura state cabinet  meeting chuan sorkar officer leh PSU zawng zawngah hnathawktute chu hmai tuamna, mask hmang vek turin a rel. 

Education  minister Ratan Lal Nath chuan April 15-a union ministry of home affairs-in Distaster Management Act hnuaia kaihhruaina a siam zulzuiin, van­tlang hmunah leh hnathawhna hmunahte hmai tuamna hi hmang vek tura tih an nih thu a sawi. 

Nath chuan sorkar hnathawkte pawh an office-ah hmai tuamna hi hmang vek tura tih an nih thu sawiin, hei hian hri inkaidarhna kawngah a veng thei dawn a ni, a ti.

Office-a hmai tuam­na hmang lo man chu a tirah Rs 100 chawi tir niin, a vawi hnih­na aṭang chuan Rs 200 zel chawi tir an ni dawn tih a sawi. Department-te hian mask hi an mamawh a nih chuan National Health Mission (NHM) in an pe dawn a ni.