Sorkarin Secretariat Police Station thar din rawtna pawm

Manipur sorkar chuan police thuam chakna tura police department-in Mantripukhri-a secretariat police station dinna tura rawtna a thehluh chu a pawm. State chhung district hrang hranga Sub-Divisional Police Officer (SDPO) post thar 12 siam belh a remti bawk.

He rawtna hi police te thuam chak a, thil chhui hna chak zawka kalpui leh, dan leh thupek kenkawh kawngah pawh chak zawk an thawh theihna tura siam a ni.

Secretariat Police Station thar siam tur hian Secretariat leh Police Headquarters chauh ni loin, helai biala zirna in ṭha tak tak eng emaw zat a huam dawn a, chung zingah chuan Manipur High Court, Indian Institute of Information Technology (IIIT), leh Forest Office Complex te pawh an tel. Police station thar hian capital complex thara dan kengkawhtute nasa takin a pui thei dawn a ni.

Sorkar chuan Imphal East District hnuaiah SDPO (New Capital Complex) post thar siam rawtna a pawm bawk a, hei hi Secretariat Police Station leh Heingang Police Station awmsa te enkawltu tur a ni ang.