Manipur : ILP dan bawhchhia 300 chuang man

Manipur police-te chuan state chhunga dan loa pemlut hriatchhuah kawngah beihpui thlakin, mi 2,412 an endiknaa Inner Line Permit (ILP) dan bawhchhia mi 300 chuang an man. Police tarlan danin, mi 170-te chu ILP pass nei lo an ni a, midang 134 te chu ILP document thi tawhte an ni.

Dan bawhchhiate hi Manipur-Nagaland ramria Mao gate ILP counter-ah hruai an ni a, ILP pass diktak nei tura hriattir an ni a, permit pek chhuah leh an siamṭhat sak aṭangin Rs 30,000 vel an hmuchhuak.

ILP dan bawhchhia dapchhuah beihpui thlakna hi Senapati District Police Task Force-in an kalpui a, ramri luhna hmun zawng zawngah khauh takin endikna an kalpui chhunzawm zel a ni. ILP dan diktaka zawm a nih theihna turin hma hun lo awm turah pawh beihpui thlak zel an tum. Inner Line Permit (ILP) hi Manipur leh hmarchhak state dang eng emaw zata state chhunga cheng ni lote tana neih ngei ngei tur a ni a, leilung fate humhalhna tura duan a ni.