Meghalaya: Khualzinte lirthei hman dan tur policy siam

Meghalaya cabinet chuan August 7 khan khualzinte hnena two-wheeler leh four-wheeler man chawia hman hawh tir dan tur kaihhruaina siam chu a pawm.

Chief minister Conrad K Sangma chuan lirthei man chawia hawh theihna tur dan mumal a awm lo a, hei vang hian ruahmanna hi siam a nih thu a sawi. State chhungah khualzin tam takin mimal hnen aṭangin lirthei man chawiin an hman hawh sak ṭhin a, mahse tun thlengin hemi chungchangah hian inkaihhruaina ṭha a awm lo tih a tarlang.

Kaihhruaina thar hnuaiah hian mimal emaw, sumdawng emaw lirthei man chawia hawh tir ṭhinte chuan transport department-ah an inziahluh a ngai tawh dawn tiin CM Sarma chuan a sawi. Hei bakah mi tupawh an lirthei khualzin an hman tir dawn a nih chuan transport department-ah an inziahluh vek a ngai tawh dawn tih a sawi bawk.

Meghalaya police-te'n Indore-a cheng, sumdawng pakhat, Raja Raghuvanshi leh a nupui Sonam Raghuvanshi-te'n Shillong-a private operator pakhat hnen aṭanga two-wheeler register loh an an hman hawh sak tih an hmuh chhuah hnuah, cabinet chuan kaihhruaina siam hi a rel a ni.